غزل

تقوا پۀ خپل وجود کښې پۀ عذاب راټولـوم
انجام تـه سببونه د ثـــــــواب راټــــولوم

پۀ زمکه د ادب د خیال پـــــــرواز ادا کوم
خیالات خوارۀ وارۀ د هــر یـو باب راټـولوم

احساس د زمــــزمو پۀ سُر او تال کښې غږوم
نغمې پۀ زیـر او بم کــــښې د رباب راټـولوم

لفظونه ټـولوم غــــــــــزله تا راټولـــــوم
لګیا یمه پۀ لپه کـــښې دریــاب راټــــولوم

د سیوري غوندې ګرځمه د هاړ پۀ ســرو غرمـو
سنګین یمــه لۀ دښتو نـه سراب راټــــــولوم
فضل الله سنګين