غزل

په نـظــر کې که ستا عېب نه وي ناصحه!
ښکـلي مـــخ لره کتلو کې عېب نه شته

هغه شـاخ چې نه مېوه لـري نه سېورى
د هغه شـاخ سوزولو کې عېب نه شته

هـغـه غــنـې چې عــزت د ګلــو ژغوري
که يې وسـتايې سـتايلو کې عېب نه شته

ســـــړى هغه چې امين او پرده پوش وي
د بـــل عېب په پټولو کې عېب نه شـته

د مــحــــبــوب او د جانان رضـــــا لپاره
ننګ و نــام قـــــربانولو کې عېب نه شته

باک يې نه شته که "طاهر" له يار شرمېږي
له خپل يـــاره شرمېدلو کې عېب نه شته

طاہر کلاچوی